BAILII is celebrating 24 years of free online access to the law! Would you
consider making a contribution?
No donation is too small. If every visitor before 31 December gives just £1, it
will have a significant impact on BAILII's ability to continue providing free
access to the law.
Thank you very much for your support!
[New search]
[Help]
2001 Rhif 4048 (Cy.339)
ANIFEILIAID, CYMRU
IECHYD ANIFEILIAID
Rheoliadau Monitro BSE (Diwygio) (Cymru) 2001
| |
Wedi'u gwneud |
20 Rhagfyr 2001 | |
| |
Yn dod i rym |
7 Ionawr 2002 | |
Mae Cynulliad Cenedlaethol Cymru, gan ei fod wedi'i ddynodi[1] at ddibenion adran 2(2) o Ddeddf y Cymunedau Ewropeaidd 1972[2] mewn perthynas â pholisi amaethyddol cyffredin y Gymuned Ewropeaidd, drwy arfer y pwerau a roddwyd iddo gan yr adran honno, drwy hyn yn gwneud yn Rheoliadau canlynol -
Teitl, cychwyn a chymhwyso
1.
Enw'r Rheoliadau hyn yw Rheoliadau Monitro BSE (Diwygio) (Cymru) 2001, maent yn gymwys i Gymru a deuant i rym ar 7 Ionawr 2002.
Diwygio Rheoliadau Monitro BSE (Cymru) 2001
2.
- (1) Diwygir Rheoliadau Monitro BSE (Cymru) 2001[3] yn unol â'r darpariaethau canlynol yn y rheoliad hwn.
(2) Diwygir rheoliad 2(1) fel a ganlyn -
(a) ar ôl diffiniad "milfeddyg" rhoddir y diffiniad canlynol -
"
ystyr "Rheoliad y Comisiwn" ("the Commission Regulation") yw Rheoliad y Comisiwn (EC) Rhif 1248/2001[4]) sy'n diwygio Atodiadau III, X ac XI i Reoliad (EC) Rhif 999/2001[5] ynghylch arolygu epidemiolegol a phrofi enseffalopathïau sbyngffurf buchol;";
(b) diddymir diffiniad "Penderfyniadau'r Comisiwn";
(c) yn lle diffiniad "anifail buchol hysbysadwy" rhoddir y diffiniad canlynol -
"
ystyr "anifail buchol hysbysadwy" ("a notifiable bovine animal") yw anifail buchol dros 24 mis oed sydd wedi marw neu sydd wedi'i ladd ond na chafodd -
(a) ei ladd er mwyn ei ddifa yn unol â Rheoliad y Comisiwn (EC) Rhif 716/1996[6];
(b) ei ladd yn fframwaith epidemic megis clwy'r traed a'r genau; neu
(c) ei gigydda i bobl ei fwyta;"; ac
(ch) yn niffiniad "safle", ar ôl y geiriau "i'r cyhoedd," mewnosodir y geiriau canlynol -
"
gan gynnwys unrhyw le y gall carcasau anifeiliaid buchol neu rannau o garcasau o'r fath gael eu cadw".
(3) Yn lle paragraff (2) o reoliad 2 rhoddir y paragraff canlynol -
"
(2) Mae i'r ymadroddion yn y Rheoliadau hyn nad ydynt wedi'u diffinio ym mharagraff (1) uchod ac sydd i'w gweld yn Rheoliadau'r Comisiwn yr un ystyr yn y Rheoliadau hyn ag sydd iddynt at ddibenion Rheoliad y Comisiwn y maent i'w gweld ynddo.".
(4) Yn rheoliad 3 -
(a) yn lle'r pennawd rhoddir y canlynol -
"
Gofynion sy'n ymwneud ag anifeiliaid buchol dros 24 mis oed
";
(b) ym mharagraff (1) a pharagraff (4) diddymir yr ymadrodd "neu garcas anifail o'r fath,";
(c) yn lle paragraff (2) rhoddir y paragraff canlynol -
"
(2) Rhaid i unrhyw filfeddyg neu berson arall sydd, yng nghwrs ei ddyletswyddau yn archwilio neu'n arolygu unrhyw anifail buchol hysbysadwy, cyn gynted ag y bo'n ymarferol, ac o fewn 24 awr beth bynnag o'r adeg y bydd yr anifail yn marw neu y mae'r carcas yn cael ei archwilio neu ei arolygu, roi gwybod am y ffaith i'r Cynulliad Cenedlaethol neu, os yw'r Cynulliad Cenedlaethol wedi penodi asiant i dderbyn hysbysiadau ar ei ran o dan y rheoliad hwn, i'r asiant hwnnw."
(5) Ym mharagraff (1) o reoliad 4 (Pwerau mynediad, pwerau archwilio a chwilio a samplu etc.) dileir y canlynol "(gan gynnwys unrhyw safle, neu unrhyw ran o safle, sy'n cael eu meddiannu fel annedd breifat)".
(6) Ym mharagraff (2) o reoliad 4 (Pwerau mynediad, pwerau archwilio a chwilio a samplu etc.) dileir y canlynol "(heblaw unrhyw safle sy'n cael ei feddiannu fel annedd breifat)".
(7) Yn is-baragraff 4(f) o reoliad 4 yn lle'r geiriau "Phenderfyniadau'r Comisiwn" rhoddir y geiriau "Rheoliad y Comisiwn".
Diwygio'r Rheoliadau Adnabod Gwartheg
3.
- (1) Diwygir Rheoliadau Adnabod Gwartheg 1998[7] drwy roi'r diffiniad canlynol yn lle diffiniad "notifiable bovine animal" -
"
"notifiable bovine animal" means a bovine animal over 24 months of age which has died or has been killed but which was not -
(a) killed for destruction pursuant to Commission Regulation (EC) No. 716/1996;
(b) killed in the framework of an epidemic such as foot and mouth disease; or
(c) slaughtered for human consumption;".
(2) Diwygir Rheoliadau Gwartheg (Adnabod Anifeiliaid Hŷn) (Cymru) 2000[8] drwy roi'r diffiniad canlynol yn lle diffiniad "anifail buchol hysbysadwy" -
"
ystyr "anifail buchol hysbysadwy" ("notifiable bovine animal") yw anifail buchol dros 24 mis oed sydd wedi marw neu sydd wedi'i ladd ond na chafodd -
(a) ei ladd er mwyn ei ddifa yn unol â Rheoliad y Comisiwn (EC) Rhif 716/1996;
(b) ei ladd yn fframwaith epidemig megis clwy'r traed a'r genau; neu
(c) ei gigydda i bobl ei fwyta;".
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[9]
John Marek
Dirprwy Lywydd y Cynulliad Cenedlaethol
20 Rhagfyr 2001
EXPLANATORY NOTE
(Nid yw'r nodyn hwn yn rhan o'r Rheoliadau)
Mae'r rheoliadau hyn yn diwygio Rheoliadau Monitro BSE (Cymru) 2001 (O.S. 2001/2360 (Cy. 197)).
Mae'r diwygiadau'n rhoi eu heffaith i'r rhwymedigaethau a geir yn erthygl 1.1 o Reoliad y Comisiwn (EC) Rhif 1248/2001 (OJ Rhif L173, 27.6.2001, t.12) sy'n diwygio Atodiad III i Reoliad (EC) Rhif 999/2001 (OJ Rhif L147, 31.5.2001, t.1) ynghylch arolygu epidemiolegol a phrofi enseffalopathïau sbyngffurf buchol.
Mae'r rhain yn ei gwneud yn ofynnol i'r Aelod-wladwriaethau sicrhau bod categorïau penodol o anifeiliaid buchol dros 24 mis oed yn cael eu harchwilio yn unol â'r isafswm gofynion sydd wedi'i bennu ar gyfer monitro BSE. Mae diffiniad "anifail buchol hysbysadwy" wedi'i ddiwygio yn sgil hyn er mwyn adlewyrchu'r newid yn oedran yr anifeiliaid y mae'r rhwymedigaeth yn gymwys iddynt.
Mae diwygiad yn cael ei wneud hefyd i baragraffau (1) a (4) o reoliad 3 i ddileu'r ymadrodd diangen "neu garcas anifail o'r fath," ac mae paragraff (2) wedi'i amnewid yn sgil hynny. Mae rheoliad 4 a'r diffiniad o "safle" wedi'u diwygio er mwyn rhoi pwer i arolygwyr fynd i bob safle lle mae carcasau anifeiliaid neu rannau o garcasau o'r fath yn cael eu cadw.
O ganlyniad i'r diffiniad o "anifail buchol hysbysadwy" mae diwygiadau'n cael eu gwneud i Reoliadau Adnabod Gwartheg 1998 (O.S. 1998/871, a ddiwygiwyd gan O.S. 1998/2969, O.S. 1999/1339 ac O.S. 2001/2360) (Cy. 197) a Rheoliadau Gwartheg (Adnabod Anifeiliaid Hŷn) (Cymru) 2000 (O.S. 2000/3339 (Cy. 217), a ddiwygiwyd gan O.S. 2001/2360 (Cy. 197)).
Notes:
[1]
O.S. 1999/2788.back
[2]
1972 p.68.back
[3]
O.S. 2001/2360 (Cy. 197).back
[4]
OJ Rhif L173, 27.6.2001, t.12.back
[5]
OJ Rhif L 147, 31.5.2001, t.1.back
[6]
OJ Rhif L99, 20.4.1996, t.14.back
[7]
O.S. 1998/871, fel y'i diwygiwyd gan O.S. 1998/2969, O.S. 1999/1339 ac O.S. 2001/2360 (Cy. 197).back
[8]
O.S. 2000/3339 (Cy. 217), fel y'i diwygiwyd gan O.S. 2001/2360 (Cy. 197).back
[9]
1998 p.38.back
English version
ISBN
0 11090408 7
|
Prepared
23 January 2002
BAILII:
Copyright Policy |
Disclaimers |
Privacy Policy |
Feedback |
Donate to BAILII
URL: http://www.bailii.org/wales/legis/num_reg/2001/20014048w.html
