Enwi a chychwyn

1. Enw'r Rheoliadau hyn yw Rheoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) (Diwygio) 2009 a deuant i rym ar 2 Rhagfyr 2009.

Diwygio

2. Diwygier Rheoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007(3) fel a ganlyn.

3. Yn Rhan CH o Atodlen 1 (swyddogaethau nad ydynt i fod yn gyfrifoldeb i weithrediaeth awdurdod), hepgorer paragraff 18.

4. Yn Atodlen 2 (swyddogaethau y caniateir iddynt fod, ond nad oes angen iddynt fod, yn gyfrifoldeb gweithrediaeth awdurdod)–

(a) yn lle paragraff 18 rhodder–

"18. Unrhyw un neu unrhyw rai o'r swyddogaethau canlynol o ran priffyrdd–

(a) gwneud cytundebau ar gyfer gwneud gwaith priffyrdd(4);

(b) y swyddogaethau a geir yn narpariaethau canlynol Rhan III o Ddeddf Priffyrdd 1980(5) (creu priffyrdd)–

(i) adran 25 – creu llwybrau troed, llwybrau ceffylau neu gilffyrdd cyfyngedig drwy gytundeb;

(ii) adran 26 – pwerau gorfodol ar gyfer creu llwybrau troed, llwybrau ceffylau neu gilffyrdd cyfyngedig;

(c) y swyddogaethau a geir yn narpariaethau canlynol Rhan VIII o Ddeddf Priffyrdd 1980 (cau priffyrdd a gwyro priffyrdd etc)(6)–

(i) adran 116 – pŵer llysoedd ynadon i awdurdodi cau priffordd neu wyro priffordd;

(ii) adran117 – cais am orchymyn o dan adran 116 ar ran person arall;

(iii) adran 118 – cau llwybrau troed, llwybrau ceffylau a chilffyrdd cyfyngedig;

(iv) adran 118ZA – cais am orchymyn diddymu llwybr cyhoeddus;

(v) adran 118A – cau llwybrau troed, llwybrau ceffylau a chilffyrdd cyfyngedig sy'n croesi rheilffyrdd;

(vi) adran 118B – cau priffyrdd penodol at ddibenion atal troseddau etc;

(vii) adran 118C – cais gan berchennog ysgol am orchymyn diddymu arbennig;

(viii) adran 119 – gwyro llwybrau troed, llwybrau ceffylau a chilffyrdd cyfyngedig;

(ix) adran 119ZA – cais am orchymyn gwyro llwybr cyhoeddus;

(x) adran 119A – gwyro llwybrau troed, llwybrau ceffylau a chilffyrdd cyfyngedig sy'n croesi rheilffyrdd;

(xi) adran 119B – gwyro priffyrdd penodol at ddibenion atal troseddau etc;

(xii) adran 119C – cais gan berchennog ysgol am orchymyn gwyro arbennig;

(xiii) adran 119D – gwyro priffyrdd penodol ar gyfer gwarchod safleoedd o ddiddordeb gwyddonol arbennig;

(xiv) adran 120 – arfer pwerau i wneud gorchmynion diddymu a gwyro llwybrau cyhoeddus;

(xv) adran 121B – cofrestr ceisiadau;

(ch) y swyddogaethau a geir yn narpariaethau canlynol Rhan IX o Ddeddf Priffyrdd 1980 (ymyrraeth gyfreithlon ac anghyfreithlon â phriffyrdd a strydoedd)–

(i) adran 130 – amddiffyn hawliau cyhoeddus;

(ii) adran 139 – rheoli sgipiau adeiladwyr;

(iii) adran 140 – symud sgipiau adeiladwyr i ffwrdd;

(iv) adran 140A(7) – sgipiau adeiladwyr: ffioedd am feddiannu'r briffordd;

(v) adran 142 – trwydded i blannu coed, llwyni etc mewn priffordd;

(vi) adran 147 – pŵer i awdurdodi codi camfeydd etc ar lwybrau troed neu lwybrau ceffylau;

(vii) adran 147ZA(8) – cytundebau ynghylch gwelliannau er lles personau sydd â phroblemau symudedd;

(viii) adran 149 – symud pethau a adawyd ar briffyrdd sy'n peri niwsans etc;

(ix) adran 169 – rheoli sgaffaldiau ar briffyrdd;

(x) adran 171 – rheoli gosod deunyddiau adeiladu ar strydoedd a gwneud gwaith cloddio mewn strydoedd;

(xi) adran 171A(9) a rheoliadau a wneir o dan yr adran honno – gwaith o dan adran 169 neu adran 171: tâl am feddiannu'r briffordd;

(xii) adran 172 – palisau sydd i'w codi yn ystod adeiladu etc;

(xiii) adran 173 – palisau i'w codi'n ddiogel;

(xiv) adran 178 – cyfyngu ar osod rheiliau, trawstiau etc dros briffyrdd;

(xv) adran 179 – rheoli adeiladu selerydd etc o dan strydoedd;

(xvi) adran 180 – rheoli mynedfeydd i selerydd etc o dan strydoedd, a goleuadau palmentydd ac awyryddion;

(d) arfer swyddogaethau o dan adran 34 o Ddeddf Bywyd Gwyllt a Chefn Gwlad 1981(10) (gorchmynion calchbalmentydd); ac

(dd) arfer swyddogaethau o dan adran 53 o Ddeddf Bywyd Gwyllt a Chefn Gwlad 1981(11) (dyletswydd i adolygu mapiau a datganiadau diffiniol yn barhaus).";

(b) yn lle paragraff 24 rhodder–

"24. Swyddogaethau o ran gamblo o dan ddarpariaethau canlynol Deddf Gamblo 2005(12)–

(a) adran 29 – gwybodaeth gan awdurdod trwyddedu;

(b) adran 30 – cyfnewid arall o wybodaeth;

(c) adran 166 – penderfyniad i beidio â dyroddi trwyddedau casino;

(ch) adran 212 a rheoliadau a wneir o dan yr adran honno – ffioedd;

(d) adran 284 – tynnu ymaith esemptiad;

(dd) adran 304 – personau awdurdodedig;

(e) adran 346 – erlyniadau gan awdurdod trwyddedu;

(f) adran 349 – polisi trwyddedu tair blynedd;

(ff) adran 350 – cyfnewid gwybodaeth;

(g) Rhan 5 o Atodlen 11– cofrestru gydag awdurdod lleol.".

5. Yn Atodlen 3 (swyddogaethau nad ydynt i fod yn gyfrifoldeb i weithrediaeth awdurdod yn unig)–

(a) yng ngholofn (1) yn lle "Y Cynllun Addysg Sengl" rhodder "Y Cynllun Plant a Phobl Ifanc";

(b) yng ngholofn (2) yn lle "Rheoliadau'r Cynllun Addysg Sengl (Cymru) 2006 (O.S. 2006/877 (Cy. 82))" rhodder "Rheoliadau a wnaed o dan adran 26 o Ddeddf Plant 2004(13)";

(c) ar y diwedd–

(i) yng ngholofn (1), mewnosoder "Y Cynllun Gwella Hawliau Tramwy";

(ii) yng ngholofn (2) mewn perthynas â'r cofnod hwnnw yng ngholofn (1), mewnosoder "Adran 60 o Ddeddf Cefn Gwlad a Hawliau Tramwy 2000(14).".

Nodyn Esboniadol

(Nid yw'r nodyn hwn yn rhan o'r Rheoliadau.)

Mae Rhan II o Ddeddf Llywodraeth Leol 2000 yn darparu i swyddogaethau awdurdod lleol gael eu cyflawni gan weithrediaeth awdurdod (y mae'n rhaid iddi fod ar un o'r ffurfiau a bennir yn adran 11(2) i (5) o'r Ddeddf honno) onid yw'r swyddogaethau hynny i beidio â bod yn gyfrifoldeb i weithrediaeth yr awdurdod. Mae Rheoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007 (O.S. 2007/399 (Cy.45)) ("y Prif Reoliadau") yn pennu'r swyddogaethau hynny nad ydynt i fod yn gyfrifoldeb i weithrediaeth awdurdod neu sydd i fod yn gyfrifoldeb i weithrediaeth o'r fath i raddau cyfyngedig yn unig neu o dan amgylchiadau penodedig yn unig.

Mae'r Rheoliadau hyn yn diwygio'r Prif Reoliadau.

Mae Atodlen 2 i'r Prif Reoliadau'n rhestru'r swyddogaethau hynny y caniateir iddynt fod (ond nad oes angen iddynt fod) yn gyfrifoldeb i weithrediaeth awdurdod. Mae rheoliad 4 o'r Rheoliadau hyn yn diwygio'r rhestr hon drwy fewnosod swyddogaethau penodedig o dan Ddeddf Priffyrdd 1980, Deddf Bywyd Gwyllt a Chefn Gwlad 1981 a Deddf Gamblo 2005. Effaith y diwygiadau hyn yw bod gan awdurdod lleol ddisgresiwn o ran a ydyw'r swyddogaethau o dan sylw i'w cael eu harfer gan y weithrediaeth.

Mae rheoliad 5 yn diwygio'r Prif Reoliadau drwy ddefnyddio geiriau generig i gyfeirio at gynlluniau plant a phobl ifanc sydd i'w paratoi a'u cyhoeddi gan awdurdodau lleol yn unol â rheoliadau a wnaed o dan adran 26 o Ddeddf Plant 2004. Mae hefyd yn darparu bod yn rhaid i gynlluniau gwella hawliau tramwy beidio â bod yn gyfrifoldeb y weithrediaeth yn unig.